Presidenti i Republikës së Kroacisë, Zoran Millanoviq, nesër do të qëndrojë për vizitë zyrtare në Republikën e Maqedonisë së Veriut.
Është paraparë që Millanoviqi të ketë takim me nikoqiren e tij – presidenten Gordana Siljanovska Davkova, si dhe me përfaqësues të tjerë të Maqedonisë së Veriut.
Për shkak të vizitës së Presidentit kroat Millanoviq, në Shkup nesër do të ketë regjim të veçantë trafiku në zonën më të gjerë qendrore të Shkupit.
SPB Shkup u bën thirrje të gjithë qytetarëve që marrin pjesë në trafik që të respektojnë urdhrat e dhëna nga nëpunësit e policisë.
