Kryetari i Shoqatës ” Jehona e Malësisë”, Agron Dedivanaj mbrëmë ka marr pjesë në ekspozitën personale të skulptores Teuta Nino, e cila është mbajtur në Qendrën për Kulturë në Malësi.
“Ishte vërtet e mrekullueshme të shikoja opusin artistik të veprave të saj, të cilat janë të rangut më të lartë rajonal dhe evropian. Kjo ekspozitë është një shembull i punës së mirë dhe të përkushtuar për artistë frymëzues dhe të rinj nga Malësia”- ka shkruar Dedivanaj.
Të pranishëm në këtë eveniment kan qenë dhe dy artistët e kryeveprës – përmendores së Heroit të kombit Gjergj Kastrioti Skenderbeu e cila u përjetësua më 28 Nëntorë në Tuz, Ardian Pepa dhe Dylber Neziri.
Dedivanaj ka falenderuar zonjën Teuta me shpres që evenimente të tilla të organizohen më shumë në të ardhmen.
Ja postimi plotë i Kryetarit Dedivanaj:
Mbrëmë pata kënaqësinë të marr pjesë në ekspozitën personale të zonjës Teuta Nito, e cila prezantoi punimet e saj këtu në Malësi. Ishte vërtet e mrekullueshme të shikoja opusin artistik të veprave të saj, të cilat janë të rangut më të lartë rajonal dhe evropian. Kjo ekspozitë është një shembull i punës së mirë dhe të përkushtuar për artistë frymëzues dhe të rinj nga Malësia. Gjithashtu, ishte kënaqësi të shpënzoja pakë kohë shoqëruese edhe me Ardian Pepën dhe Dylber Nezirin, dy nga artistët e kryevepres – përmendorës së Skënderbeut në Tuz, të cilët ishin kurator i kësaj ekspozite.
Urime dhe suksese Teuta, le të vazhdojmë të mblidhemi në të tilla evente mjeshtërore kulturore e artistike edhe në të ardhmen!
