Lideri i shqiptarëve në Maqedoninë e Veriut, njëherësh kryetar i BDI-së, z. Ali Ahmeti, vizitoi nënën 90 vjeçare, Fatime Xhemajlin në Komogllavë, nënë e cila ndihmoi dhe strehoi veprimtarë politik dhe luftëtarë të Ushtrisë Çlirimtare të Kosovës.
Postimi i z. Ahmeti:
Në të kthyer nga Akademia për përvjetorin e UÇK-së, u ndala në Komogllavë të Ferizajt për të vizituar nënë Fatime Xhemajli, e cila sivjet mbushi 90 vjet dhe hoqa mallin e nënës sime.
Nënë Fatimja ndihmoi dhe strehoi veprimtarë politik dhe luftëtarë të Ushtrisë Çlirimtare të Kosovës.
Gjithashtu ajo strehoi e ndihmoi ushtarë të Ushtrisë Çlirimtare Kombëtare dhe jo vetëm kaq, por ishte pjesë aktive e logjistikës së Ushtrisë Çlirimtare Kombëtare.
