Në Shtip mëngjesin e sotëm janë hapur me kohë 74 vendvotime dhe votimi po zhvillohet qetë dhe pa probleme, njoftoi kryetari i Komisionit Komunal i Zgjedhjeve (KKZ) – Shtip, Viktor Vacev.
Sipas listës zgjedhore me të drejtë vote janë 41.489 qytetarë, të cilët mund të ushtrojnë të drejtën e votës në vendvotime.
MIA sot në mëngjes ishte në vendvotimin 22 92 në gjimnazin “Sllavço Stojmenski” – Shtip. Kryetarja e Këshillit Zgjedhor, Vaska Taseva, thotë se vendvotimi është hapur me kohë dhe të drejtën e votës në këtë vendvotim mund ta ushtrojnë 896 votues.
Procesi zgjedhor ka filluar dje kur në kushte shtëpie kanë votuar 158 të sëmurë dhe të pamundur. Votimi u mbajt edhe në IHNP – burgu – Shtip, ku nga 203 votues të regjistruar nga 40 komuna të Maqedonisë së Verit, të drejtën e votës e kanë shfrytëzuar 144 të dënuar ose 71 për qind.