Kryetari i LSDM-së Dimitar Kovaçevski pohon se në vilë “Vodno” nuk ka pasur takim për ndryshimet kushtetuese. Akuzat të këtilla që dje dolën nga kreu i VMRO-DPMNE-së Hristijan Mickoski, Kovaçevski i hodhi poshtë si insinuata dhe siç tha që nuk kanë kontakt me realitetin, përcjell TV21.
Mickoski dje në tubimin zgjedhor në Tetovë tha se kinse Kovaçevski së bashku me Ali Ahmetin, Artan Grubin dhe Stevo Pendarovski para disa muajsh kanë pasur një takim në vilë Vodno dhe kanë bërë plan për ndryshime në Kodin Penal, me qëllim të amnistisë për krimet e disa politikanëve, për të siguruar shumicën për ndryshimet kushtetuese.
-As nuk ka pasur takim në vilë “Vodno” ku është biseduar për ndonjë ndryshim të ndonjë ligji, e as nuk është planifikuar ndonjë votim i ndryshimeve kushtetuese, tha Kovaçevski.
