Sot, 25.03.2024, Myftinia e BFI – Tetovë organizoi “IFTAR ME MIQË TË VEÇANTË”
Ky iftar u shtrua nga ana e Myftinisë së Tetovës për personat me nevoja të veçanta gjegjësisht për nxënësit e Paraleles Speciale të Shkollës fillore Liria në Tetovë.
Në fjalën e tij, Myftiu dr. hfz. Selver Xhemaili përshëndeti të pranishmit dhe falenderoi udhëhqësinë e Shkollës Liria si dhe të gjithë ata që pranuan të jenë pjesë e këtij iftari. Ai shtoi se të gjithë ne jemi krijesa të Zotit të Madhërishëm dhe çdonjëri prej neve ka anët e tij të veçanta. Vetëm duke respektuar dhe nderuar njëri tjetrin ashtu siç jemi ne kemi mundësi të jemi më besimtar dhe më të devotshëm. Lus Allahun Mëshirdhurues që t’iu ndihmojë juve, familjeve të juaja si dhe stafit të arsimtareve që kujdesen për këtë paralele.
Gjithashtu nga stafi i paraleles speciale defektologia Nijar Sulejmani falenderoi Myftininë e Tetovës për ftesën dhe realizimin e këtij iftari duke theksuar që ky bashkëpunim të jetë i vazhdueshëm.
Zoti ju bekoftë.
