Në këto momente Aleanca për Shqiptarët e Arben Taravarit po mban kongresin e jashtëzakonshëm, ndërsa ka filluar edhe mbërritja e delegatëve. Në rend dite të Kongresit të 4 të kësaj partie ndër të tjera është edhe miratimi i kandidaturës së Arben Taravarit për president të shtetit, por dhe shfuqizimi i vendimeve të mbledhjes së dytë të Kuvendit të mbajtur në 10 shkurt në Shkup.
Si pikë e fundit e rendit të ditës janë plotësim-ndryshime statutare. Ditë më parë Taravari shpalli kandidaturën për president të shtetit, i mbështetur nga Lidhja Evropiane për Ndryshim.
Ndërsa sipas njoftimit të opozitës shqiptare bashkëpunimi midis Lëvizjes Demokratike, Besës, Alternativës dhe ASH-së do të konkretizohet nesër përmes firmosjes së Deklaratës për bashkimin e forcave opozitare shqiptare.Alsat-m
