Janë bërë të ditur të gjithë emrat e ministrave nga radhët e Bashkimit Demokratik për Integrim që do të përbëjnë Kabinetin e Kryeministrit të parë shqiptar, Talat Xhaferi.
Lajmin e ka bërë të ditur, Ministri për Sistem Politik dhe Marrëdhënie Ndërmjet Bashkësive, Artan Grubi në faqen e tij zyrtare në Facebook.
Grubi ka publikuar dhe dokumentin zyrtar më të gjithë emrat e Kabinetit historik të kryeministrit, Xhaferi.
Njoftimi i plotë:
Krenar që bashkë me Fatmirin, Bujarin, Kreshnikun dhe Jetonin, si dhe Nazimin, Agimin dhe Bekimin, jemi propozuar si pjesë e Kabinetit historik të Kryeministrit të parë shqiptar, Talat Xhaferi, nën udhëheqjen misionare dhe vizionare të rilindasit të fundit të kombit shqiptar, ALI AHMETI.
Kur guxuam, ia dolëm, kur ëndërruam, realizuam, kur besuam, punuam, kur u tha, u bë!
Publikohet emrat e ministrave të BDI-së që do të jenë pjesë e kabinetit të kryeministrit të parë shqiptar, Talat Xhaferi
