Kryeministri Albin Kurti ka mbledhur të premten kabinetin qeveritar.
Por, ai ka thënë se mbledhja nuk pati të bënte me zhvillimet e sotme. Të premten u arrestuan dy zyrtarë të Ministrisë së Industrisë dhe një biznesmen nën dyshimet për dallavere me rezervat shtetërore.
Zëdhënësi i Qeverisë, Përparim Kryeziu, ka thënë se në takimin qeveritar u diskutua mbi mbarëvajtjen e projekteve.
“Kryeministri Kurti ka zhvilluar sot një takim intern me kabinetin qeveritar, siç ishte planifikuar një javë më parë. Nuk ka të bëjë me zhvillimet e sotme. Gjatë këtij takimi u diskutua mbi mbarëvajtjen e projekteve dhe progresin në përmbushjen e planit strategjik-operacional e të programit qeverisës”, ka thënë Kryeziu.
