epa10029711 Albanian Prime Minister Edi Rama attends a press conference following an EU-Western Balkans leaders’ meeting in Brussels, Belgium, 23 June 2022. The progress on EU integration and the challenges which the Western Balkans countries face in connection to the Russian invasion of Ukraine are topping the agenda when EU and Western Balkan leaders meet prior a European Council meeting. EPA-EFE/STEPHANIE LECOCQ
Kryeministri shqiptar, Edi Rama ka reaguar pas një sërë kritikash ndaj tij për vendimin që ta dërgojë një draft të Statutit të Asociacionit në Francë e Gjermani, si një përpjekje për të ulur tensionet e rritura mes Kosovës dhe Serbisë.
Sipas Ramës, ata që shajnë e akuzojnë pa e ditur përmbajtjen e propozimit të tij e kanë një frikë.
E kjo frikë, sipas kryeministrit shqiptar, është humbja e armikut dhe bashkë me të edhe humbja e mundësisë që flasin e sillen si në llogore edhe 24 vjet pas luftës.
“Ata që shajnë e akuzojnë pa e ditur fare çka përmban draft-Statuti i Asociacionit kanë frikë vetëm nga një gjë: Se mos humbasin armikun që u krijon kushtin ekzistencial që të flasin dhe të sillen si në llogore, ndërkohë që lufta ka mbaruar në 1999 dhe armiku është mundur!”, ka shkruar Edi Rama.
Për këtë çështje është deklaruar edhe Bashkimi Evropian. Zëdhënësi Peter Stano ka thënë se draftimi i asociacionit bëhet vetëm në kuadër të dialogut Kosovë-Serbi të ndërmjetësuar nga Unioni.
Siç është thënë edhe shumë herë më parë, diskutimi dhe hartimi i Statutit të Asociacionit/Bashkësisë mund të bëhet vetëm në kuadër të dialogut të lehtësuar nga BE-ja”.
Megjithatë, Stano tha se kontributet i mirëpresin, derisa njoftoi që Përfaqësuesi i Lartë i BE-së, Josep Borrell, është në kontakt të vazhdueshëm me liderët e rajonit dhe të vendeve anëtare të BE-së.
“Çdo kontribut konstruktiv në dialogun e ndërmjetësuar nga BE-ja ndërmjet Beogradit dhe Prishtinës, nën të cilin po diskutohet për Asociacionin/Bashkësinë e Komunave me Shumicë Serbe, është i mirëseardhur”.