Një burrë 37-vjeçar nga qyteti grek Arta akuzohet për vrasje nga pakujdesia pasi mbi pesë orë e ka harruar foshnjën e tij pesëmuajshe e gjysmë në automjet, që më pas është gjetur e vdekur.
Mediat greke duke iu referuar burimeve të policisë publikuan se babai është dashur ta dërgojë foshnjën në kopsht, por e ka harruar në sedijen e pasme të automjetit, ndërsa kur nëna ka shkuar ta marrë nga kopshti, e kanë njoftuar se foshnja nuk është sjellë në kopsht.
Ka kontaktuar me bashkëshortin e saj për të mësuar çfarë ka ndodhur, dhe me këtë rast është zbuluar se foshnja ka ngelur në automjet, foshnja është dërguar në spital, por atje veç se është konstatuar vdekja.
Prindërit e foshnjës janë hospitalizuar në gjendje të rëndë psikike, ndërsa prokurori ka ngritur aktakuzë për vrasje nga pakujdesia për burrin 37-vjeçar.