Elita e futbollit kosovar, Albi Mall Superliga e Kosovës vazhdon edhe sot, me dy ndeshje tejet interesante.
Vëmendja është më e madhe në ndeshjen mes Prishtinës dhe Ballkanit, nga ora 13:00.
Ndërsa, Trepça 89’ do të ndeshet me Malishevën, nga i njëjti orar.
Ballkani qëndron në vendin e parë në tabelë, me 48 pikë, ndërsa Prishtina në të katërtin, me 30.
Malisheva për momentin ndodhet në vendin e 7-të, me 24 pikë të grumbulluara, ndërsa Trepça 89’ në atë të parafundit, me 22 pikë.