Sevilla nesër është mikpritëse e Mallorcas, ndërsa trajneri i skuadrës vendëse, Jorge Sampaoli ka bërë thirrje te lojtarët e tij të Sevillas që të kenë sa më shumë kujdes te Vedat Muriqi.
Sampaoli e ka të qartë se Vedat Muriqi mund t’i shkaktojë probleme në çdo fazë të ndeshjes.
Ai në konferencë për media deklaroi se duhet të bëhet çmos që Muriqi të mos e pranojë kurrë topin në 16 metërsh.
“Mallorca ka Muriqin që bën shumë mirë hapjen e lojës dhe shpërndan topin në të dy krahët, që i përfundojnë mjaft mirë aksionet me harkimet e tyre. Muriqin duhet ta lëmë shumë larg prej portës sonë dhe kjo do të ndodhë nëse ne do ta kemi dominimin në lojë”, përfundoi Sampaoli.