Drenica nesër në stadiumin “Liman Gegaj” e zhvillon ndeshjen me Malishevën.
Pas humbjes nga Gjilani, kuqezinjtë i ndanë rrugët me trajnerin Bekim Shotani dhe ende nuk e kanë emëruar trajnerin e ri.
Megjithatë, burime të “Gazeta Arena” bëjnë me dije se Sami Geci do të jetë ai që do të udhëheqë përkohësisht deri në arritjen e marrëveshjes me një trajner të ri.
Drenica në tri ndeshjet e para të pjesës së dytë ka pësuar humbje duke rrezikuar pozicionin në tabelë, derisa gjendet në pozitën e parafundit me 20 pikë, dy me shumë se Ferizaj që zë vendin e fundit.
