Ish-kryetari i Kuvendit të Republikës së Maqedonisë së Veriut, Talat Xhaferi, sot i ka dorëzuar detyrën kryetarit të sapozgjedhur të Kuvendit, Jovan Mitrevski.
Xhaferi në fjalimin e tij ka uruar kolegun Mitrevski për detyrën e re, duke i dëshiruar suksese profesionale dhe mbarësi.
“Në takimin e fundit që patëm me ju si gazetarë patëm rastin të flasim për gjithçka që kemi kryer në këtë mandat. Sot mandati I kaloi kryeparlamentarit të ri, z.Mitrevskit. Seanca e radhës është më datë 27, ndaj unë i uroj shëndet dhe mbarësi, të jetë bashkërënditës në gjitha sukseset dhe punët e tjera që na presin, ashtu siç kaluam nja 7 vjeçar me suksese. Uroj të mos ballafaqohet me situata mbase problematike më të cilat më ka ndodhur të ballafaqohem ndonjëherë. Uroj vetëm mbarësi dhe të mira. Suksese!”, deklaroi Xhaferi.
