Konsulli i Përgjithshëm z. Agim Krasniqi vizitoi sot shkollën fillore komunale “Ashim Agushi” në fshatin Ladorisht të Strugës.
Në një takim të përzemërt me drejtoreshën znj. Atixhe Ajro dhe stafin e saj, u bisedua për çështjet lidhur me procesin mësimor dhe vështirësitë përcjellëse si dhe për zvogëlimin e konsiderueshëm të numrit të nxënësve i cili ka marë përmasa të një dukurie për shkak të largimit familjar në shtetet e perëndimit.
Z. Krasniqi në bisedë e sipër informoi për funksionimin dhe aktivitetet që zhvillon Konsullata e Përgjithshme, gjë që ishte një nga pyetjet e parashtruara në takim. Në mes tjerash, gjatë bisedës u shtruan edhe tema të ndryshme për aktualitetin politik, për bashkëpunimin në rrafshin arsimor në mes Kosovës dhe Maqedonisë së Veriut, binjakëzimin e shkollave mes shkollave të Kosovës dhe shkollave të Strugës e gjetiu.
Në fund, Konsulli i Përgjithshëm përgëzoi stafin për punën e çmuar që bëjnë në edukimin e brezave të rinjë si dhe falënderoi për pritjen shumë mbresëlënëse nga stafi e sidomos nga një grup nxënësish të shkollës që shkëlqyen në veshjet kombëtare.
Ministry of Foreign Affairs and Diaspora – Republic of Kosovo
