Referentët e Myftinisë së Tetovës, Idris ef. Idrizi, Mr. Mahmud ef. Emini dhe Mr. Xhemil ef. Sadiki, kanë zhvilluar këtë javë vizita pune në disa mektebe në Komunën e Bërvenicës, me qëllim ndjekjen nga afër të procesit edukativo-arsimor në këto institucione fetare.
Gjatë kësaj jave, vizituan:
✅️Mektebin e Xhamisë së Mesme në fshatin Çellopek, ku mësimet zhvillohen nga imami Gafur ef. Selmani.
✅️Mektebin e Xhamisë së fshatit Miletinë, ku me zell të lartë, nxënësit i mëson mualimi Mr. Arjan ef. Ajrullai.
Gjatë vizitave, referentët e Myftinisë u njohën nga afër me ecurinë e mësimdhënies, pjesëmarrjen e nxënësve dhe përkushtimin e mualimëve, si dhe dëgjuan nga afër nevojat dhe sugjerimet e tyre.
Myftinia e Tetovës do të vazhdojë me këtë program të rregullt vizitash, me synim forcimin e bashkëpunimit me mualimët dhe përmirësimin e procesit arsimor në të gjitha mektebet e qytetit dhe rrethinës.
