Ndërtimin e një Kolegji Europian në Tiranë me financim të BE-së, Komisioneri për Fqinjësinë dhe Zgjerim Oliver Varhelyi, e quajti si një sinjal se anëtarësimi i Shqipërisë në union është afër.
“Jam i inkurajuar nga përkushtimi dhe dedikimi i qeverisë shqiptare për të ecur përpara me agjendën e BE. E di që një mik duhet të mbërrij me diçka, jam i lumtur që kemi arritur të gjejmë financime për kampusin e kolegjit Europian.
Ky është një sinjal i qartë që anëtarësimi është afër. Kjo është arsyeja pse jam shumë krenar të deklaroj se do të jemi në gjendje të nisim procesin e pranimeve në shtator të vitit. Kemi nevojë për një ndërtesë, një vend të bukur ku kolegji mund të vendoset. Shpresoj që në gjysmën e dytë të të këtij viti do jemi zhvillime të mëdha në rrugëtimin e Shqipërisë në BE”- tha Borrell në konferencën në Tiranës.
Top Channel