UNSH ka kënaqësinë të njoftojë përkrahësit e partive shqiptare kudo janë ,se është dorëzuar lista e përbashkët e koalicionit të partive shqiptare që bëjnë FORUMIN SHQIPTAR, për zgjedhjet lokale për Komunën e Tuzit, më 5 mars 2023.
Bashkëpunimi i ASH,UNSH dhe LDSH, si dhe përbërja e listës zgjedhore, garantojnë një fitore madhështore që do të vulosë pushtetin e partive shqiptare në Malësi, që do t’u garantojë të drejta edhe të gjitha pakicave që jetojnë në trevën tonë.
Shprehim kënaqësinë tonë, poashtu, që listës sonë , në finale, i erdhi përkrahja edhe nga Lista për Ndryshime e grupi qytetar, e cila braktisi radhët e UDSH-së, pasi që kjo parti pranoi të futet në një koalicion të përçudshëm joshqiptar, përkatësisht në listën e DPS dhe të boshnjakëve, ku mund të gjeshë çkado tjetër, por jo mendje e zemër shqiptare. Natyrisht, ne nuk do të lejojmë që Malësia të mbetet në duar të intersxhinjëve të vegjël, sepse Malësia është e madhe dhe të tillë do ta ruajnë partitë shqiptare, se bashku me diasporën tonë fantastike e cila kurrë nuk është kursyer për të mirën e vendlindjes së vet dhe amanetin e të parëve tonë që kanë lënë gjurmë në historinë e gjithëmbarshme të kombit tonë.
E paçim me fat fitoren e 5 marsit, të bashkuar e dora-dora, siç na thonë Bratila e diaspora!