Turqia i ka dërguar një kërkesë zyrtare NATO-s dhe aleatëve për ndihmë për tërmetin e së hënës që mori qindra jetë njerëzish.
Vendi ka kërkuar ndihmë dhe pajisje mjekësore, njësi të ndryshme të kërkimit dhe shpëtimit, si dhe “spitale fushore të pajisura kundër motit ekstrem me personel teknik për montim”.
Përgjigja po koordinohet nga Qendra Euro-Atlantike e Koordinimit të Reagimit ndaj Fatkeqësive të NATO-s, e cila është e vendosur në selinë e NATO-s në Bruksel.
Theksojmë se të paktën 1,498 njerëz kanë vdekur dhe 8,533 njerëz janë plagosur në Turqi pas tërmetit shkatërrues në kufirin me Sirinë.
Të paktën 2,834 ndërtesa janë dëmtuar dhe autoritetet po punojnë për të siguruar strehim për qytetarët, raporton Abcnews.
