Kryetar i komunës së Çairit, Izet Mexhiti sot ka pritur në takim ish-kryetarin e komunës së Hanit të Elezit, njëherë edhe kandidat i Lëvizjes Vetëvendosje për deputet, Refki Suma, përcjell TV21.
“Kur biseda është e drejtpërdrejtë dhe pa formalitete, takimi merr një kuptim tjetër. Sot, me kënaqësi prita në Komunën e Çairit z. Refki Suma, kandidat për deputet në Kuvendin e Republikës së Kosovës nga radhët e Lëvizjes Vetëvendosje. Gjatë takimit ndamë ide dhe qëndrime mbi tema me rëndësi për qytetarët dhe vendet tona, si dhe mbi angazhimin politik në përgjithësi.
E falënderoj z. Suma për vizitën dhe i uroj suksese në zgjedhje, si dhe mbarësi në rrugëtimin e tij politik, në shërbim të Kosovës dhe qytetarëve të saj”, ka shkruar Mexhiti.