Specializantët privatë kanë paralajmëruar grevë të përgjithshme nga e hëna. Në njoftimin e sotëm theksojnë se edhe krahas protestës së mbajtur nga specializantët privatë më 27 mars dhe takimit të realizuar me ministrin e Shëndetësisë në Qeverinë teknike, Ilir Demiri, më 2 prill, ende nuk janë përmbushur kërkesat e tyre.
“Në takimin me ministrin e Shëndetësisë, nga ana e tij na u premtua se kërkesat tona do të paraqiten në seancën e ardhshme të Qeverisë. Pas takimit të realizuar me ministrin, janë mbajtur de seanca të Qeverisë edhe atë më 3 dhe 9 prill, në të cilat sipas informacioneve publike në dispozicion të Qeverisë, në asnjërën prej tyre nuk është biseduar për kërkesat tona, thuhet në kumtesë.
Prandaj, siç thuhet në kumtesën, dërguar në emër të specializantëve privatë në universitetet e shkencave mjekësore “Kirili dhe Metodi” dhe “Goce Dellçevi” – Shtip, janë të detyruar të ndërmarrin hapin tjetër – t’i bashkohen grevës së përgjithshme nga 15 prilli. Paralajmërohet se do të zgjasë deri në plotësimin e kërkesave të tyre.
