Zv. Kryeministri dhe ministri i ekonomisë njëherit dhe një nga drejtuesit e Forumit Shqiptar, Nik Gjeloshaj, e ka cilësuar bashkimin e fundit politik si një ditë të rëndësishme për shqiptarët në Mal të Zi.
“Sot ishte një ditë e rëndësishme për shqiptarët në Mal të Zi. Me këtë bashkim, po forcojmë Forumin Shqiptar si platformën kryesore politike të shqiptarëve, të përkushtuar për mbrojtjen e interesave tona, rrugën evropiane dhe zhvillimin e mëtejshëm të komunitetit tonë”, ka deklaruar Gjeloshaj.
Sipas tij, ky hap përfaqëson një angazhim të përbashkët për një përfaqësim më të fuqishëm politik të shqiptarëve dhe për avancimin e të drejtave dhe interesave të komunitetit në të gjitha nivelet institucionale.
Ai theksoi se Forumi Shqiptar do të vazhdojë të jetë një faktor i rëndësishëm politik, i orientuar drejt integrimeve evropiane, zhvillimit ekonomik dhe forcimit të rolit të shqiptarëve në Mal të Zi.
Ja postimi plotë:
Sot ishte një ditë e rëndësishme për shqiptarët në Mal të Zi. 🤝🇦🇱
Me këtë bashkim, po forcojmë Forumin Shqiptar si platformën kryesore politike të shqiptarëve, të përkushtuar për mbrojtjen e interesave tona, rrugën evropiane dhe zhvillimin e mëtejshëm të komunitetit tonë.
