Shpëtuesit po kërkojnë me dëshpërim për të mbijetuar në Turqinë jugore dhe Sirinë veriore pas dy tërmeteve të mëdha të hënën.
Më shumë se 8,700 janë konfirmuar të vdekur deri më tani në Siri dhe Turqi dhe ka paralajmërime se numri i të vdekurve mund të vazhdojë të jetë në rritje, raporton BBC.
Numri i të vdekurve në Turqi është rritur në 6,234, sipas agjencisë së fatkeqësive të vendit.
Është e vështirë të verifikohet numri në Siri, por mediat e saj shtetërore thonë se rreth 2,500 njerëz janë vrarë.
Përpjekjet e kërkimit kanë vazhduar edhe gjatë natës së mbrëmshme e cila ka qenë natë e ftohtë për shpëtuesit që të gjejnë të mbijetuar nën rrënoja.
Pamje dramatike kanë dalë nga një familje prej gjashtë vetësh që janë nxjerrë të gjallë nga gërmadhat në qytetin sirian Idlib.
Disa ndihma ndërkombëtare po arrijnë në Siri, por aksesi është i kufizuar për shkak të rrugëve të dëmtuara.
Tërmeti i parë me magnitudë 7.8 ballë goditi pranë Gaziantepit në orët e para të së hënës, pasuar nga një dridhje me magnitudë 7.5.
