Ashtu siç edhe kishin paralajmëruar prej kohësh, këngëtaren Ronela Hajati dhe Fifi publikuan bashkëpunimin e tyre më të ri.
“Hajde shpirti” mban titullin kënga e tyre më e re, e cila është ritmike dhe verore.
‘Beat’-i i këngës është realizuar nga: Gent, Frensi, dhe Donald Eski, gjersa masteringu nga Lorenc Aliaj.
Ndërkohë për vijën melodike dhe tekstin janë kujdesur vet Ronela dhe Fifi, duke shkruar secila pjesën përkatëse që interpreton në këngë.
“Hajde shpirt” është vizualizuar edhe me klip, në të cilin dy vajzat shfaqen me një performancë mjaft të zjarrtë.
Ana vizuale e projektit i është besuar produksionit FullMoon Production.
