Fillimisht u largua nga Shqipëria, më pas nga jeta publike e prej dy vitesh nga rrjetet sociale: Jeta e Anjeza Shahinit ka marrë një rrjedhë komplet tjetër nga ajo që shumë shqiptarë mund të kenë menduar vite më parë kur Anjeza ishte një nga zërat më premtues.
Anjeza ka ndërtuar një jetë të re në Angli me diplomatin anglez Paul Edward Conolly me të cilin u martua rreth 5 vite më parë dhe në 2019 mirëpritën në jetë vajzën e tyre të parë.
Prej dy vitesh artistja ishte larguar nga Instagram, ku ndante me ndjekësit postime të ndryshme. Pa bërë asnjë lajmërim ajo ‘u zhduk’ duke i lënë ndjekësit e saj me pikëpyetje. Por, ‘arratisja’ e saj mori fund pak muaj më parë dhe Anjeza është rikthyer. Rikthimi i saj u shoqërua me disa lajme të pavërteta mbi ndarjen e saj nga partneri gjë që rezultoi e pavërtetë.
Pas disa vitesh ajo është rikthyer në një intervistë me Mira Kazhanin në podkastin “Zë me Mirën” ku ka folur rreth jetës së saj në Angli, bashkëshortit, vajzës e jo vetëm.