Reisul Ulema i Bashkësisë Fetare Islame të Republikës së Maqedonisë së Veriut, H. Hfz. Shaqir ef. Fetai, shpreh ngushëllimet e tij më të sinqerta Shtetit të Katarit, Emirit të Katarit, Lartmadhërisë së Tij Sheikh Tamim bin Hamad Al Thani, familjes mbretërore dhe mbarë popullit të Katarit, me rastin e ndarjes nga jeta të ish-Emirit të Katarit, Sheikh Hamad bin Khalifa Al Thani.
Me këtë rast, Reisul Ulema vlerësoi lart kontributin e të ndjerit në zhvillimin dhe përparimin e Shtetit të Katarit, në forcimin e solidaritetit islam, si dhe në mbështetjen e vazhdueshme të kauzave humanitare dhe institucioneve islame në mbarë botën.
Duke ndarë dhimbjen me popullin mik të Katarit, Reisul Ulema lutet që Allahu i Madhëruar ta mëshirojë të ndjerin, ta falë dhe ta shpërblejë me Xhenetin Firdeus, ndërsa familjes së tij, udhëheqjes së Shtetit të Katarit dhe mbarë popullit katarian t’u dhurojë durim, forcë dhe ngushëllim.
