Nënkryetari i Bashkimit Demokratik për Integriim, njëherit dhe shef i shtabit politik në Tetovë, Bajram Rexhepi ka reaguar ndaj skandalit të radhës të qeverisë pa legjitimitet ndaj sportistëve shqiptarë, kontributin e të cilëve kjo qeveri vendosi ta injorojë dhe ta shumëzoj me zero.
“Kjo paraqet një fyerje dhe përjashtim sistematik të shqiptarëve nga historia e lavdishme e sportit në vendin tonë”- ka shkruar Rexhepi.
Ja postimi plotë:
Sportistët shqiptarë kanë përfaqësuar vendin me dinjitet në Evropë dhe botë. Kanë fituar medalje, tituj, dhe respekt.
Sot, Qeveria vendosi t’i injorojë, dhe të shumëzojë me zero kontributin dhe meritat e tyre për afirmimin e sportit.
Kjo paraqet një fyerje dhe përjashtim sistematik të shqiptarëve nga historia e lavdishme e sportit në vendin tonë.
Sporti duhet të na bashkojë, e jo të na ndajë!
