Flamur Noka është shprehur në Facebook në lidhje me propozimin e kryeministrit Rama për kreun e SHISH-it, në të cilin ky i fundit dëshiron të jetë Vlora Hyseni drejtuesja e këtij institucioni.
Hyseni është shkarkuar nga presidentja e Kosovës Vjosa Osmani dhe nga kryeministri Kurti, pasi supozonin se kishte lidhje me inteligjencën serbe. Për këtë Noka ka thënë se kaq i duhej Ramës që të plotësohej kriteri i tij i parë për ta propozuar Hysenin.
Flamur Noka: Kosova e shkarkon për lidhje serbe, Rama e propozon në krye të SHISH.
Rama propozon në krye të SHISH bashkëkombasen Vlora Hyseni, por kjo e fundit është shkarkuar në mbështetje të nenit 6 (paragrafi 4) i Ligjit për Agjencinë e Kosovës për Inteligjencë, ku thuhet shprehimisht se:
“Zbulimi ose mosruajtja e informacioneve të klasifikuara paraqet vepër penale të dënueshme sipas Kodit nr.06/074 Penal të Republikës së Kosovës, Ligjit Nr.03/L-178 për Klasifikimin e Informacioneve dhe Verifikimin e Sigurisë dhe legjislacionin tjetër përkatës në fuqi që ka të bëjë me informacionin e klasifikuar.”
Vlora Hyseni dyshohej për lidhje serbe dhe mesa duket kaq i ka mjaftuar Ramës për të plotësuar kriterin nr.1 të tij.
