Pas promovimeve të veprës së tij në Shqipëri, Kosovë dhe Shtetet e Bashkuara të Amerikës, shkrimtari dhe studiuesi Pashko Camaj do ta prezantojë veprën e tij në një vend veçanërisht të rëndësishëm për të – në vendlindje, në Malësi.
Promovimi do të zhvillohet në kuadër të Panairit të Librit në Tuz 2026, një ngjarje që bashkon autorë, lexues dhe dashamirës të librit.
Për Pashko Camajn, ky promovim ka një domethënie të veçantë, pasi libri rikthehet pikërisht në vendin ku autori ka rrënjët e tij dhe ku kujtesa, tradita dhe identiteti i Malësisë mbeten një pjesë e rëndësishme e krijimtarisë së tij.
Pas prezantimeve para publikut në Shqipëri, Kosovë dhe SHBA, takimi me lexuesit në Malësi përbën një moment të veçantë në rrugëtimin e veprës së Camajt.
Organizatorët ftojnë të gjithë dashamirësit e librit që t’i bashkohen këtij aktiviteti në QKI “Malësia” në Tuz.
Panairi i Librit në Tuz 2026 synon të promovojë librin, autorët dhe kulturën shqiptare, duke krijuar një hapësirë të rëndësishme për takimin e autorëve me publikun.
Ja postimi plotë:
Pas promovimeve në Shqipëri, Kosovë e SHBA, ky është një promovim krejt i veçantë; në vendlindjen time, në shtëpi, në Malësi!
Ju mirëpresim në Panairin e Librit në Tuz 2026!
#QKI “Malësia” Tuz
#Panairi2026
#Faleminderit
