Kryeministri i Maqedonisë së Veriut, Hristijan Mickoski sot priti ministren për Europë dhe Punë të Jashtme të Shqipërisë, Elisa Spiropalin me të cilën ka folur për marrëdhëniet bilaterale dhe proceset eurointegruese.
“Sot, u takova me Elisa Spiropalin, Ministren për Europë dhe Punët e Jashtme të Republikës së Shqipërisë, në Qeveri. Në takim diskutuam për promovimin e marrëdhënieve dypalëshe midis dy vendeve, bashkëpunimin rajonal dhe përpjekjet e përbashkëta drejt integrimit evropian.
Theks i veçantë u vu në rëndësinë e marrëdhënieve të fqinjësisë së mirë, stabilitetit dhe zhvillimit të rajonit.
Takimi u zhvillua në një frymë konstruktive dhe miqësore, me gatishmëri të ndërsjellë për të thelluar bashkëpunimin në të ardhmen”, shkruan Mickoski.
