Sot me 27.11.2024 “Medreseja Isa Beu” – paralelja e vajzave në Tetovë, me një program fetaro-kulturor shënoi festat e Nëntorit.
Medresantet kanë një traditë të pasur të organizimit të programeve përkujtimore për festat kombëtare dhe historike. Për datat 22 dhe 28 Nëntor, aktivitetet zakonisht përfshijnë dy ngjarje të rëndësishme: 22 Nëntori: Përkujtimi i Ditës së Alfabetit Shqip, që shënon Kongresin e Manastirit (1908), një ngjarje themelore në unifikimin e gjuhës shqipe. Dhe 28 Nëntori: Festimi i Ditës së Pavarësisë, ngritja e flamurit nga Ismail Qemali në Vlorë në vitin 1912.
Programi ishte i pasur me ashere, poezi dhe ligjëratë e nxënëseve për rëndësinë e ruajtjes së vlerave kombëtare dhe historinë e kombit tonë.
Në këtë manifestim mori pjesë Myftiu i Tetovës Dr. Hfz. Selver Xhemaili, Drejtori gjeneral i Medresesë “Isa Beu” Dr. Islam Islami dhe sekretari Prof. Avni Neziri.
