Të udhëhequr nga parimi i transparencës dhe gjithëpërfshirjes në krijimin e politikave arsimore, Ministria e Arsimit dhe Shkencës përfshin publikun në reformimin e sistemit arsimor kombëtar. Një nga prioritetet në këtë proces është përmirësimi i përmbajtjes së programeve mësimore në arsimin fillor dhe të mesëm, dhe në këtë drejtim, MASH I fton të gjithë të interesuarit , palët e interesuara, të prekurit dhe veçanërisht publikun profesional që të japin sugjerimet e tyre për ndryshimin e programeve mësimore ekzistuese, si dhe sugjerime për përgatitjen e të rejave .
Programet mësimore në arsimin fillor dhe të mesëm mund t’i shikoni në linkun në vijim:
(për klasën e I, II, IV, V, VI, VII, VIII dhe IX )
(për klasën e III)
(për arsimin e mesëm, lëndët e arsimit të përgjithshëm)
(për arsimin e mesëm profesional)
https://csoo.edu.mk/sq/faqe-hyrese/drejtime/
Sugjerimet, vërejtjet dhe komentet mund të dërgohen me e-mail kabinet@mon.gov.mk deri më 28.2.2023.
Përmirësimi i përmbajtjes së programeve mësimore është proces në të cilin ftohet të përfshihet çdo prind, mësimdhënës, publik profesional dhe shkencor, sepse vetëm me pjesëmarrjen aktive të palëve të interesuara, sistemi kombëtar arsimor mund të ecë në hap me dinamikën e shekullit të 21-të.
Ne presim sugjerime konstruktive dhe efektive të cilat janë udhërrëfyes të rëndësishëm në angazhimin e përbashkët për përmirësimin e cilësisë së arsimit si bazë për zhvillimin dhe prosperitetin e përgjithshëm të vendit, për transformimin social dhe demokratizimin.
Ministria e Arsimit dhe Shkencës