Sot u përurua zyrtarisht ujësjellësi i ri për Bashkësinë Lokale Rraxa e Sukës, një investim i rëndësishëm i realizuar në bashkëpunim me diasporën.
Në ceremoninë e përurimit, Ivan Ivanaj theksoi rëndësinë e këtij projekti për banorët e zonës, duke nënvizuar se furnizimi me ujë të pijshëm është një nevojë jetike dhe një nga parakushtet themelore për përmirësimin e kushteve të jetesës në zonat rurale.
Ky investim pritet të ndikojë drejtpërdrejt në cilësinë e jetës së banorëve të Rraxës e Sukës, duke siguruar furnizim më të qëndrueshëm me ujë të pijshëm.
Ivanaj bëri të ditur gjithashtu se brenda këtij viti pritet të nisë ndërtimi i ujësjellësit edhe për Traboin, duke paralajmëruar vazhdimin e investimeve në infrastrukturën bazë në të gjithë Malësinë.
“Vazhdojmë me punë dhe investime konkrete për çdo pjesë të Malësisë. Malësia në duar të sigurta!”, u shpreh Ivan Ivanaj.
Investimet në furnizimin me ujë të pijshëm mbeten ndër projektet më të rëndësishme për zhvillimin e zonave rurale dhe për krijimin e kushteve më të mira për banorët.
Ja postimi plotē:
Sot u përurua zyrtarisht ujësjellësi i ri për BL Rraxa e Sukës, një investim i rëndësishëm i realizuar në bashkëpunim me diasporën tonë.
Furnizimi me ujë të pijshëm është jetik për banorët e zonave rurale dhe ky investim do të ndikojë drejtpërdrejt në përmirësimin e kushteve dhe cilësisë së jetës së tyre.
Brenda këtij viti vazhdojmë me ndërtimin e ujësjellësit edhe për Traboin.
Vazhdojmë me punë dhe investime konkrete për çdo pjesë të Malësisë!
Malësia në duar të sigurta!
