Nga Slupçani, atdhetari dhe veprimtari i shquar Luan Veliu ka përcjellë një mesazh të fuqishëm për lirinë, sakrificën e Dëshmorëve dhe qëndrimin kundër çdo padrejtësie.
Duke iu referuar atmosferës dhe pjesëmarrjes në protestën e organizuar në Sllupçan për lirimin e krerëve të UÇK-së që po mbahen padrejtsisht në Hagë, Veliu tha se zëri i pjesëmarrësve jehoi fuqishëm, i frymëzuar nga kujtimi i të rënëve dhe sakrifica e tyre.
“Aty ku thirrja ishte më e fortë, zëri i pjesëmarrësve, i frymëzuar nga era e barotit dhe nga dridhja e tokës nën hapat e Dëshmorëve, jehuan fuqishëm dhe i dhanë JO-në e madhe çdo padrejtësie”, shkroi Veliu.
Në mesazhin e tij, ai u ndal edhe te figurat që i cilëson si udhëheqës, shpëtimtarë dhe liriprurës, duke theksuar se ata, sipas tij, nderohen dhe lartësohen nga populli.
“Udhëheqësit, shpëtimtarët dhe liriprurësit, populli i vet nuk i gjykon, ai i nderon dhe i lartëson!”, thuhet në mesazhin e Veliut.
Ai e përmbylli deklaratën me mesazhin: “Liria ka emër!”
Ja postimi plotë:
SLUPÇAN!
Aty ku thirrja ishte më e fortë, zëri i pjesëmarrësve, i frymëzuar nga era e barotit dhe nga dridhja e tokës nën hapat e Dëshmorëve, jehuan fuqishëm dhe i dhanë JO-në e madhe çdo padrejtësie.
Udhëheqësit, shpëtimtarët dhe liriprurësit, populli i vet nuk i gjykon, ai i nderon dhe i lartëson!
Liria ka emër!
