Saraj, 20 Maj 2025 – Kryetari i Komunës së Sarajit, z. Ilas Veseli, mori pjesë sot në një takim të veçantë të organizuar nga Shoqata e Pensionistëve Invalidor, ku u mirëprit ngrohtësisht nga anëtarët e kësaj shoqate.
Gjatë fjalimit të tij, kryetari Veseli falënderoi përzemërsisht për ftesën dhe theksoi rëndësinë e përkujdesjes institucionale ndaj kësaj kategorie të respektuar të shoqërisë.
“Është një nder i veçantë për mua të jem sot këtu mes jush. Ju siguroj se Komuna e Sarajit do të vazhdojë të jetë gjithmonë në përkrahje të pensionistëve invalidor dhe do të punojmë për të përmirësuar kushtet dhe mirëqenien tuaj,” u shpreh kryetari Veseli.
Takimi u zhvillua në një atmosferë të ngrohtë dhe konstruktive, ku u diskutuan edhe nevojat dhe sfidat me të cilat përballen anëtarët e shoqatës, ndërsa u vlerësua mbështetja e deritanishme nga institucionet lokale.
