Sot, Komuna e Kërçovës mbajti takim me përfaqësuesit e institucioneve arsimore lokale.
Në kuadër të aktiviteteve për hartimin e buxhetit për vitin 2025, u mbajt takimi i radhës me përfaqësuesit e institucioneve arsimore në nivel lokal.
Gjatë takimit, ata diskutuan çështje të rëndësishme si pajisja e kabineteve, inventari shkollor dhe intervenimet brenda dhe jashtë objekteve arsimore.
Përfaqësuesit paraqitën nevojat dhe propozimet e tyre për buxhetin e vitit 2025, duke theksuar rëndësinë e investimeve në infrastrukturën arsimore për përmirësimin e cilësisë së arsimit në komunë.
Komuna shprehu gatishmërinë për të bashkëpunuar dhe për të adresuar këto kërkesa në buxhetin e ardhshëm.
————————————————
