Çifti i shumëpërfolur, Luiz Ejlli dhe Kiara Tito, kanë kurorëzuar dashurinë e tyre me martesë në mbrëmjen e finales së madhe të edicionit të dytë të Big Brother VIP Albania.
Dyshja të cilët u njohën gjatë qëndrimit në shtëpinë më të famshme në Shqipëri, u veshën si nuse dhe dhëndër gjatë celebrimit të tyre.
Kurorëzimi i tyre u realizua në Bashkinë e Tiranës nga i pari i kryeqytetit, Erion Veliaj.
Luizi u dërgua me përcjelljen e kamerave dhe truprojeve në ceremoninë martesore, e cila ishte organizuar enkas në terracën e Bashkisë së Tiranës.
Çifti i thanë “PO” njëri-tjetrit para miliona spektatorëve në transmetim direkt të finales së këtij programi të shumë shikuar nga shqiptarët.
