Skuadra kampione e Kosovës, KB Golden Eagle Ylli është përforcuar edhe me një basketbollist të huaj.
Therandasit kanë njoftuar se kanë arritur marrëveshje me Wes Washpun. Basketbollisti amerikan luan në pozitën e organizatorit.
Ai është 29-vjeç dhe i gjatë 185 centimetra. Washpun së fundmi ishte pjesë e skuadrës nga elita e basketbollit meksikan, Ostioneros de Guaymas, ku luajti me mesatare prej 14 pikëve, 3 kërcimeve dhe katër asistimeve për ndeshje.
Pas javës së 20-të, Golden Eagli Ylli gjendet në pozitën e dytë me 35 pikë, aq sa ka edhe Sigal Prishtina që e kryeson renditjen.
