Albi Mall Superliga e Kosovës do të vazhdoj me ndeshjet e xhiros së 23-të në fundjavë.
Tre super duele janë në program për tu zhvilluar ditën e shtunë dhe dy të tjera të dielën.
Drita pas humbjes shokuese nga Ferizaj do të mirëpret në stadiumin me bari sintetik në Gjilan skuadrën e Llapit.
Ndeshje e zjarrtë pritet të zhvillohet edhe në Klinë, ku Dukagjini është nikoqir i Gjilanit.
Duel jashtëzakonisht i rëndësishëm për dy skuadrat zhvillohet edhe në Skenderaj, me Drenicën të fundit në tabelë që pret Ferizajn e parafundit.
Të dielën sytë e të gjithëve janë në derbin Prishtina – Ballkani, derisa dueli tjetër është ai mes Trepçës ’89 dhe Malishevës.
