Kryetari i LSDM-së, Venko Filipçe, do të reagojë ndaj Bashkimit Evropian (BE) për, sipas tij, fushatën e koordinuar dhe të organizuar të linçimit mediatik pas së cilës, siç tha ai, qëndron qeveria e VMRO-DPMNE-së. Si ilustrim, ai paraqiti një “galeri” prej, sipas tij, 1,000 titujsh toksikë, duke pretenduar se kjo është një fushatë sistematike që synon defokusin e publikut nga problemet dhe temat reale që opozita ngre në publik, raporton Telma, përcjell Portalb.mk.
“Sot do t’i drejtohemi Bashkimit Evropian, institucioneve të tij dhe të gjitha organizatave ndërkombëtare për mbrojtjen e lirisë së fjalës dhe lirisë së medias”, njoftoi Venko Filipçe, president i LSDM-së.
Ai akuzoi ish-zyrtarët e LSDM-së që e kanë kritikuar publikisht ditët e fundit se janë përfshirë në atë fushatë. Ai nuk ka ndërmend t’i kërkojë falje ish-drejtorit Jovan Despotovskit, për akuzat se po punon dhe po koordinohet me VMRO DPMNE.
Ai gjithashtu hedh poshtë pretendimet e ish-kryetarit të Qytetit të Shkupit, Petre Shilegov, se gjysma e grupit parlamentar dhe aktivistët komunalë do të refuzojnë t’i binden.
