Deputetja e BDI-së, Rina Ajdari, gjatë qëndrimit në Parlamentin Evropian, ka theksuar se reformat për një shtet më demokratik dhe ndryshimet kushtetuese si rruga e vetme përmes së cilës do të çbllokohet i gjithë procesi i integrimit.
“Në diskutime theksova se vendi ynë dhe qytetarët janë të përkushtuar për rrugën evropiane, përmbushjen e detyrave dhe kritereve të përcaktuara më parë”- ka theksuar Ajdari.
Postimi i znj. Ajdari:
Gjatë vizitës time në Parlamentin Evropian në Bruksel, kisha mundësinë të zhvilloj takime pune me eurodeputetë nga grupe të ndryshme politike.
Fokusi i takimeve të punës ishte integrimi i Maqedonisë në Bashkimin Evropian.
Në diskutime theksova se vendi ynë dhe qytetarët janë të përkushtuar për rrugën evropiane, përmbushjen e detyrave dhe kritereve të përcaktuara më parë.
Shkëmbyem mendime mbi zhvillimet aktuale në vend dhe rajon, reformat për një shtet më demokratik dhe ndryshimet kushtetuese si rruga e vetme përmes së cilës do të çbllokohet i gjithë procesi i integrimit. 
