FC Drita ka reaguar me anë të një telegrami ngushëllimi të publikuar në faqen zyrtare rreth vdekjes së Muhamer Muratit, ish-pjesëtarit të stafit mjekësor të klubit.
Klubi “bardhekaltër” ka shprehur ngushëllime familjarëve të të ndjerit, shkruan Shqip.com.
Tre herë kampionët e Kosovës kanë vlerësuar Muratin. Drita theksoi se i ndjeri ishte pjesë stafit mjekësor të klubit në kohërat e vështira.
FC DRITA ndan dhimbjen me familjen Murati për ikjen e më të dashurit të tyre Muhamer Murati – Mami.
I ndjeri Muhamer Murati ishte pjesë e stafit mjekësor dhe i afërt me klubin në kohë të vështira. Mami kontribuoi si staf mjekësor edhe në grupmoshat e reja të klubit tonë.
FC DRITA shpreh ngushëllimet më të thella për familjarët dhe gjithë komunitetit të futbollit gjilanas.
Pusho i qetë Mami, i përjetshëm kujtimi për ty.
