Materiali jo i besueshëm zgjedhor sot dhe nesër po shpërndahet një Komisionet Komunale Zgjedhore. Kur na ndajnë pak ditë nga zgjedhjet, KSHZ-ja njofton se po bëhen përgatitjet e fundit për votimin e të dielës.
“Në përputhje me afatet zgjedhore, KSHZ-ja të enjten dhe të premten do të shpërndajë materialin e besueshëm zgjedhor. Dorëzimi bëhet nën sigurimin e Ministrisë së Punëve të Brendshme në përputhje me planin e miratuar paraprakisht. Të enjten në Komisionet Komunale Zgjedhore do të dorëzohen listat zgjedhore, fletëvotimet kurse të premten do të dorëzohen pajisjet për identifikim biometrik”, tha Boris Kondarko, Kryetar i KSHZ-së.
Materiali i besueshëm, përfshirë kutitë e votimit, do të sigurohen nga policia deri në dorëzimin e tyre në KSHZ një ditë pas zgjedhjeve. KSHZ-ja njofton se mënyra e publikimit të rezultateve do të jetë si në proceset e kaluara zgjedhore.
“Pas publikimit të rezultateve të para jozyrtare që do të marrim në formë elektronike dhe të cilat do të përditësohen dhe do të publikohen drejtpërdrejt gjatë natës së zgjedhjeve pas përfundimit të votimit, ditën tjetër, të hënën, KSHZ-ja ka plan për të pranuar materialin origjinal zgjedhor. Nga fundi i ditës, në mbrëmjen e të hënës, KSHZ-ja do t’i publikojë rezultatet e para zyrtare të bazuara në procesverbalet origjinale”, tha Boris Kondarko, Kryetar i KSHZ-së.