Me rastin e 15 vjetorit të pavarësisë së Kosovës, më 17 shkurt në Teatrin Shqiptar në Shkup me fillim në ora 14:00, do të mbahet edicioni tradicional i manifestimit “Dita e Plisit” nën përkujdesin e Zëvendëskryeministrit të parë, Artan Grubi dhe organizim të Ansamblit Nacional të Këngëve dhe Valleve Shqipe, njofton bild.mk .
Kjo ngjarje kësaj rradhe do të sjell premierën absolute të “Valles së Bareshës”! Për të gjithë spektatorët rikthehet edhe “Vallja e Shotës” në versionin e saj origjinal. Kësaj ngjarje ia shton ekskluzivitetin pjesëmarrja e mysafirëve specialë, të Ansamblit unik folklorik “Drenica”.
Kjo ngjarje që gërsheton të kaluarën dhe të sotmen, ka edhe mbështetjen e Ministrisë së Kulturës në Republikën e Maqedonisë së Veriut! / bild.mk
