Sekretari gjeneral i Bashkimit Demokratik për Integrim, Faton Ahmeti ka uruar 9 Majin, Ditën e Europës, duke theksuar se për Maqedoninë e Veriut rruga drejt Europës është vizion i qartë për të ardhmen.
“Nuk kemi alternativë tjetër përveç integrimit europian – për paqe, zhvillim, sundim të ligjit dhe mirëqenie për të gjithë qytetarët tanë”- ka shkruar Ahmeti.
Ja postimi i plotë:
Gëzuar Ditën e Evropës!
Për Maqedoninë e Veriut, rruga drejt Evropës nuk është vetëm zgjedhje politike, por vizion i qartë për të ardhmen. Nuk kemi alternativë tjetër përveç integrimit europian – për paqe, zhvillim, sundim të ligjit dhe mirëqenie për të gjithë qytetarët tanë.
Le të qëndrojmë të bashkuar në këtë rrugëtim!
