4 Maji është ditë e shënuar e shërbimit të zjarrfikësve, ku shtetet organizojnë aktivitete të ndryshme solemne në shenjë të respektit për punën dhe sakrificat që bëjnë zjarrfikësit për t’iu dalë në ndihmë qytetarëve në nevojë për ndihma emergjente.
Në këtë ditë të shënuar zjarrfikësit vizitohen nga institucionet dhe mekanizmat shtetërorë, duke i nderuar me mirënjohje, falënderime, por gjithashtu zjarrfikësit demonstrojnë shkathtësitë profesionale që dëshmojnë gatishmërinë emergjente për t’iu dalë në ndihmë qytetarëve në çdo moment.
Historia e kësaj dite nisi më 2 dhjetor 1998, kur një aksident tragjik ndodhi në Linton, Australi, në të cilin, rezultoi në vdekjen e pesë zjarrfikësve nga Brigada e Zjarrfikësve Geelong West në vend.
Themelimi i Ditës Ndërkombëtare të Zjarrfikësve u frymëzua nga ajo ngjarje e tmerrshme. Pesë zjarrfikësit ishin rrugës për të rimbushur cisternën e tyre me ujë kur kamioni u godit nga një ndryshim i dhunshëm i erës, duke i përfshirë në flakë dhe duke vrarë të pesë. Ata ishin Garry Vredeveldt, Chris Evans, Stuart Davidson, Jason Thomas dhe Matthew Armstrong.
Ndërsa data 4 maj u zgjodh pasi në këtë ditë u vra Shën Floriani, mbrojtësi i të gjithë zjarrfikësve. Shën Floriani ishte komandanti i parë i njohur i një skuadre zjarrfikëse në Perandorinë Romake. Ai vdiq pasi u përpoq të mbronte të njëjtat ide humane si zjarrfikësit në të gjithë botën.