Ish-ministri i jashtëm, Bujar Osmani së fundi i është përkushtuar karrierës së tij profesionale si specialist i mjekësisë në kirurgjinë digestive.
Ai ka njoftuar se në javët në vijim do të jetë pjesë e ekipit të njohur të ekspertëve në Spitalin Universitar Koç në Stamboll, një nga qendrat më të avancuara për kirurgji laparoskopike dhe robotike abdominale.
“Në javët e ardhshme do të jem pjesë e ekipit të njohur të ekspertëve në Spitalin Universitar Koç, Stamboll, një nga qendrat më të avancuara në kirurgjinë laparoskopike dhe robotike të abdomenit.
Është një privilegj të jem pjesë e një ekspertize nga më të lartat botërore dhe ta sjell këtë përvojë në Klinikën Universitare të Kirurgjisë Digjestive në Shkup, për të ngritur më tej nivelin e trajtimit dhe inovacionit!“, ka njoftuar Osmani.
Osmani po vazhdon punën e tij të specialistit në Klinikën për Kirurgjinë Digjestive.