Bllokohet në Bllatë autobusi me studentë nga Universiteti i Tiranës që po vinin në mbështetje të studentëve shqiptarë në Maqedoninë e Veriut
Një autobus me studentë nga Universiteti i Tiranës, të cilët po udhëtonin drejt Shkupit për të marrë pjesë në mbështetje të protestës së studentëve shqiptarë në Maqedoninë e Veriut, është bllokuar në pikën kufitare të Bllatës.
Sipas informacioneve paraprake, autoritetet maqedonase nuk kanë dhënë sqarime zyrtare për arsyet e ndalimit të autobusit, ndërsa studentët kanë mbetur për një kohë të gjatë në pritje në kufi.
Ngjarja ka shkaktuar reagime në rrjetet sociale, ku shumë qytetarë dhe aktivistë e kanë cilësuar veprimin si të papranueshëm, sidomos në një moment kur protestat studentore për përdorimin e gjuhës shqipe kanë marrë mbështetje të gjerë publike.
Studentët nga Tirana kishin paralajmëruar ardhjen e tyre në Shkup si shenjë solidarizimi me kërkesat e studentëve shqiptarë në Maqedoninë e Veriut për respektimin e të drejtës për përdorimin e gjuhës shqipe gjatë provimit të Jurisprudencës
