Koordinatori i grupit parlamentar të Frontit Europian, Blerim Bexheti i është drejtuar kreut të Kuvendit Afrim Gashi me një letër, ku shpreh vërejtjet e tij për përdorimin e gjuhës shqipe nga shërbimet në Kuvend, përcjell TV21. Bexheti kërkon që sms porositë por edhe njoftimet me e-mail, shërbimet t’i dërgojnë edhe në gjuhën shqipe.
Theksojmë se në përputhje me nenin 3, nenin 4 (1) dhe nenin 6(1) të Ligjit për përdorimin e gjuhëve. Kuvendi është i detyruar sipas detyrës zyrtare të sigurojë që: përdorimi, komunikimi dhe procedurat të zhvillohen në gjuhën të cilën e flasin të paktën 20% e qytetarëve she shkrimin e saj”, thuhet mes tjerash në letër./tv21.tv
